මේ අතර, දූෂණයට ලක්වූ දැරියගේ පවුලේ ඥාතීන්ට ආරක්ෂක අංශ වෙතින් ද දැඩි බලපෑම් එල්ලවන බව වාර්තා වේ.
බීබීසී සංදේශයේ දිනසේන රතුගමගේ සිද්ධිය සම්බන්ධයෙන් එම දැරියගේ දෙමවුපියන් හා ඥාතීන්ට කථා කළ විට ඔවුන් පවසා ඇත්තේ, ඒ පිළිබඳ තොරතුරු කිසිවකුට කියා තිබුනොත් මුලු පවුලම මරා දමන බවට කිසියම් පිරිසක් විසින් තමන්ට තර්ජනය කරණ හෙයින් තොරතුරු කිව නොහැකි බවයි.
ඉකුත්දා දැරියගේ ඥාතීන්ව කාරයිනගර් නාවික හමුදා කඳවුරට ගෙන්වා, සිද්ධිය ප්‍රසිද්ධ නොකරන ලෙසත්, එම ප්‍රදේශය අතහැර වෙනත් ස්ථානයකට යන ලෙසත්, එසේ නොකළේ නම් දැඩි ප්‍රතිවිපාකවලට මුහුණදීමට සිඳුවනු ඇතයි තර්ජනය කරන බවද වාර්තාවේ.
සිද්ධිය සැලවීමෙන් අනතුරුව දෙමළ ජාතික සන්ධානයේ යාපනය දිස්ත්‍රික්කයේ පාර්ලිමෙන්තු මන්ත්‍රීවරුන් වන මාවෙයි සේනාධිරාජා, සුරෙෂ් ප්‍රේමචන්ද්‍රන්, එස්.සරවනබවන් ඇතුළු පිරිසක් ඊයේ දැරියගේ නිවසට ගොස් කරුණු විමසා ඇත
මේ අතරතුර රජයට සමීපතම දෙමළ පාර්ශවයක් විසින් සිද්ධිය යටපත් කරගන්නා ලෙසත්, එයට අවශ්‍ය තරම් මුදලක් ලබාදෙන බවට දැරියගේ දෙමාපියන්ට පවසා ඇතයි 'ග්ලෝබල් ටැමිල් පුවත් සේවය' වාර්තා කරයි.
