2011 වසරේ පැවැති පළාත් පාලන මැතිවරණයේදී මෙම ප‍්‍රාදේශීය සභා දෙකෙහි ඡන්ද විමසීම සිදුකර නොමැත.
මෙම ප‍්‍රාදේශිය සභාවල ඡන්ද විමසීම ඉකුත් 2012 වසරේ මාර්තු මස 24 වැනිදා සිදුකිරීමට මුලින් දින නියම කර තිබුණා. එහෙත් අධිකරණය හමුවේ විභාග වු නඩු දෙකක් හේතුවෙන් අදාල ඡන්ද විමසීම තාවකාලිකව අත්හිටුවීමට සිදුවු බවයි මැතිවරණ මහලේකම් කාර්යාලය පවසයි.
පුදුකුඩිඉරිප්පු සහ මුහුදුබඩපත්තු යන ප‍්‍රදේශවල නැවත පදිංචි කිරීම් අවසන් කර නොමැති නිසා අදාල ඡන්ද විමසීම සිදුකිරීම සාධාරණ නොවන බව එම නඩුවලින් ප‍්‍රකාශ වී තිබුණි. කෙසේවෙතත් මේ වන විට එකී නඩු දෙකම නිශ්ප‍්‍රභ වී තිබෙන බව මැතිවරණ මහලේකම් කාර්යාලය කියා සිටියේය. ඒ අනුව අදාළ ඡන්ද විමසීම පැවැත්වීමට තිබූ බාධා දැන් ඉවත් වී අැත.
