ඒ සම්බන්ධයෙන් විමර්ශණය කිරීම සඳහා කමිටුවක් පත් කර ඇති අතර එම වාර්තාව සලකා බලා නීත්‍යානූකූල නොවන බලපත‍්‍ර සහිත බස් රථ මගී ප‍්‍රවාහන කටයුතු වලින් ඉවත් කිරීමට කටයුතු කරන බව රංජිත් මද්දුම බණ්ඩාර මහතා සඳහන් කළේය.
මේ අතර පසුගිය මැතිවරණ ව්‍යාපාරයට බස් රථ ලබා දීමේදී ශ‍්‍රී ලංකා ගමනාගමන මණ්ඩලය වෙත තවත් රුපියල් ලක්ෂ එක්දහස් හාරසිය විසි පහක් අය විය යුතු බවද ඔහු සඳහන් කළේය. අමාත්‍යවරයා වැඩිදුරටත් සඳහන් කළේ එම මුදල අදාල පාර්ශවයන්ගෙන් කඩිනමින් අය කර ගැනීම සඳහා නීත්‍යානූකූලව කටයුතු කිරීමට අපේක්ෂා කරන බවයි.
අධිවේගී මාර්ගයේ ගමන් ගාස්තු අඩු කිරීමට ඉදිරියේදී පියවර ගන්නා බවත් ඊට අදාල සාකච්ඡා මේ වන විට සිදුවෙමින් පවතින බවත් අභ්‍යන්තර ප‍්‍රවාහන අමාත්‍ය රංජිත් මද්දුම බණ්ඩාර මහතා කියා සිටියේය.
