ඊයේ (28දා) අගවිනිසුරුධුරයට පත් ඇය අද (29දා) එම ධුරයෙන් විශ්‍රාම ගත්තාය.
නව අගවිනිසුරු ලෙස පත්වීමට නියමිත කේ. ශ්‍රීපවන් මහතාට සුබ පතන බවත් ඇය පැවැසුවාය.
සිය අරගලයේදී තමන් සමග සිටි සියලු දෙනාට ස්තූතිවන්ත වන බවත්, පසුගිය කාලයේදී හිරේ ගියා වැනි පීඩනයකින් සිටි බවත් ඇය පැවැසුවාය.
එම කාලය නිමාවූ බවත් සාධාරණය ඉෂ්ඨ වූ බවත් ඇය වැඩිදුරටත් සඳහන් කළාය.
ශ්‍රී ලංකාවේ අධිකරණ ක්ෂේත්‍රයේ අධිකරණ විනිසුරුවරු රැසක් හා නීතීඥවරුද අැයගේ විශ්‍රාම ගැනීමේ අවස්ථාවට එක්වූහ.
අද මධ්‍යම රාත්‍රියෙන් පසුව ශ්‍රේෂ්ඨාධිකරණයේ නව අගවිනිසුරු වශයෙන් කේ. ශ්‍රී පවන් මහතා බලාත්මක වේ.
දැනට ශ්‍රේෂ්ඨාධිකරණයේ සිටින ජ්‍යෙෂ්ඨතම විනිසුරු වන්නේ කේ. ශ්‍රී පවන් මහතායි.
ජනපති මෛත්‍රීපාල සිරිසේන මහතා ජනපතිධුරයේ දිවුරුම් දුන්නේද කේ. ශ්‍රී පවන් මහතා ඉදිරියේය.
