අගවිනිසුරුවරයා ඉවත්කිරීමට අනුගමනය කළ ක්‍රමය තමා කිසිසේත් අනුමත නොකරන බව ද කීය.අධිකරණයේ ඉහළම තනතුර මේ ආකාරයෙන් බාල්දුවීමක් එම තනතුර ප්‍රතිෂ්ඨාපනය කළ 1802 වසරේ සිට මේ දක්වා වූ ඉතිහාසයේ කිසිම විටෙක සිදුවී නැතැයි ද හිටපු අගවිනිසුරුවරයා පැවසීය.
මෙම සිද්ධිය තුළින් අවිනිශ්චිත අර්බුදකාරී තත්ත්වයක් ඇතිවන අතර යම් ක්‍රියාවක් නීත්‍යනුකූලව කරනු මිස හදිසියේ කරන්නට යාම නිසා අර්බුදකාරී තත්ත්වයන් උග්‍ර වන බවත් කීවේය.
අධිකරණ ක්‍ෂේත්‍රයට පවතින මහජන ගෞරවය හා විශ්වාසය පළුදු වී යාමට මෙවැනි තත්ත්වයන් හේතු වන අතර මතු අනාගතයෙහි නඩු විසඳීම්වලට පවා බියක් ඇතිකරවන බවත් සරත්නන්ද සිල්වා මහතා කියා සිටී.
නඩු විසඳීමේ ක්‍රියාවන්හි යෙදුනු ඉහළ තනතුරු දැරුවන් නීත්‍යනුකූල නොවන අයුරින් ඉවත් කිරීමෙන් ඇතිකරන තත්ත්වය යහපාලනයට පටහැනි වන අතර නීතියේ යහපාලනය බිඳ හෙළීමක් යැයි ද සරත්නන්ද සිල්වා මහතා පෙන්වා දුන්නේය.
- rivira
