රජයේ සේවක වැටුප් රුපියල් පන්දහසකින් ඉහළ දැමීම, ගෑස්‌, පරිප්පු, සීනි, හාල් මැස්‌සන්, සැමන් ඇතුළු අත්‍යවශ්‍ය ආහාර ද්‍රව්‍ය දහයක මිල අඩු කිරීම සහ පනවා ඇති බදු අඩුකිරීම ඇතුළු සහන රැසක්‌ අද අතුරු අයවැයේදී ජනතාව වෙත ලබාදෙන බව මුදල් අමාත්‍යංශ ආරංචි මර්ග පවසයි.
පාර්ලිමේන්තුව අද (29 දා) පස්‌වරු 1.00 ට කථානායක චමල් රාජපක්‍ෂ මහතාගේ ප්‍රධානත්වයෙන් රැස්‌වේ. ඉන්පසු පස්‌වරු 1.15 ට මුදල් ඇමැති රවී කරුණානායක මහතා විසින් අතුරු අයවැය වාර්තාව සභාවට ඉදිරිපත් කිරීමට නියමිතය.
අතුරු අයවැය පිළිබඳ විවාදය හෙට (30දා) පැවැත්වේ.
