ඒ වෙනුවෙන් පෙනී සිටි අය ඒ වෙනුවෙන් කතා කළ අය බොහෝ විය.කොහේ හෝ ප්‍රගීත් සොයාගැනුම වෙනුවෙන් කුමක් හෝ ක්‍රියාකාරකමක් වූයේද ඒවාට පැමිණ කැමරාවට ඔළුව දමා රාජපක්ෂ පාලනයේ පට්ටපතුරු ගැසූ දේශපාලකයෝද බොහෝ විය.
ඊයේ (23)ද ප්‍රගීත් වෙනුවෙන් කො‍ටුව දුම්රියපොළ ඉදිරිපිට විශේෂ ක්‍රියාකාරකමක් සන්ධ්‍ය අක්කා සහ ප්‍රගීත්ගේ මිතුරන් කිහිප දෙනෙකු විසින් සිදු කරනු ලැබීය.එහෙත් වෙනදා මෙවැනි තැන්වල දකින්නට ලැබුණු ජනතා වීරයන් දකින්නට සිටියේ නැත. ඒ ඔවුන්ට ප්‍රගීත් හමුවී ඇති නිසාදැයි අපි නොදනිමු.
යහපාලනය පෙරදැරිකරගත් අලුත් ආණ්ඩුවෙන් රටේ ජනතාව බලාපොරොත්තුවූ යුක්තිය සාධාරණය ඉ‍ටු වීම තවමත් ප්‍රමාදය. ඒ කියනු ලබන්නේ තවත් ප්‍රගීත්ලා රැසක් ඉදිරියේදී ඔවුන්ට හමුවනු ඇති බවය.
ඒ යුක්තිය සාධාරණය පතන වුන්ට මඟ පෙන්වනු ඇත්තේ .සන්ධ්‍යා අක්කාගේ ධෛර්යය.
