ජනාධිපතිවරණයට පසුදින මේජර් ජෙනරාල් කපිල හෙන්දාවිතාරණ මහතා එම තනතුරෙන් ඉල්ලා අස්වී තිබේ,
මේජර් ජෙනරාල් කපිල හෙන්දාවිතාරණ මහතා හමුදා සේවයෙන් විශ්‍රාම ගිය පසුව රාජ්‍ය බුද්ධි ප්‍රධානී තනතුරට කැඳවා සේවය ලබා ගැනීමට ඉකුත් රජය කටයුතු කර තිබිණි.
ඒ අනුව හමුදා මානුෂීය මෙහෙයුම සමයේ පටන් මේජර් ජෙනරාල් කපිල හෙන්දාවිතාරණ ජාතික බුද්ධි ප්‍රධානියා ලෙස කටයුතු කළේය. ඒ අතර ඔහුගේ සේවය වරින් වර දීර්ඝ කිරීමට රාජ්‍ය ආරක්ෂක අමාත්‍යාංශය කටයුතු කර තිබුණි.
කොටි නායක වේළුපිල්‍ලේ ප්‍රභාකරන්ගේ මරණයෙන් අනතුරුව එම සංවිධානයේ නායකත්වයට පත් කුමාරන් පද්මනාදන් නොහොත් කේ.පී. විදෙස් රටකදී අත්අඩංගුවට ගෙන මෙරටට කැන්දාගෙන ඒමේ මෙහෙයුමට හෙන්දාවිතාරණ මහතා සෘජු ලෙස දායක වී තිබේ. එමෙන්ම රාජපක්ෂවරුන්ගේ සුවිශේෂී දේශපාලන මෙහෙයුම් සඳහාද ඔහු මැදිහත් වූ බවට චෝදනා එල්ලවූ අතර අලුත්ගම ,දර්ගා නගරයේ මුස්ලිම් වරුන්ට පහර දීම සම්බන්ධයෙන් කළ මෙහෙයුමටද ඔහු සම්බන්ධ බව එජාප පාර්ලිමෙන්තු මන්ත්‍රී මංගල සමරවීර මහතා චෝදනා කළේය.
