ලබන 26 වනදා එම චක‍්‍රලේඛය සියලූම පාසල් වල විදුහල්පතිවරුන් වෙත යොමු කරන බව අධ්‍යාපන අමාත්‍යාංශය නිවේදනය කලේය. විදුහල්පතිවරුන් දෙමව්පියන්ගෙන් නිරන්තරයෙන් මුදල් ඉල්ලීම පිළිබඳ පැමිණිලි රැසක් ලැබී ඇති බවද අමාත්‍යාංශය ප‍්‍රකාශ කරයි.
එවැනි තත්ත්වයන් මැඩ පැවැත්වීමට පසුගිය රජය නිසි පියවර අනුගමනය නොකිරීම හේතුවෙන් එය බරපතල කාරණයක් බවට පත්ව ඇතැයි ද අධ්‍යාපන අමාත්‍යාංශය නිකුත් කළ නිවේදනයේ සඳහන්ය. එමෙන්ම අදාල චක‍්‍රලේඛය නිකුත් කිරීමෙන් අනතුරුව දෙමව්පියන් සමග කිසිඳු මූල්‍යමය ගණුදෙණුවක් සිදු කළ නොහැකි බවත්, එවැනි තත්ත්වයක් වාර්තා වුවහොත් බරපතල සිද්ධියක් සේ සලකා නීතිමය කි‍්‍රයාමාර්ග ගන්නා බවද එම නිවේදනයේ සඳහන් වේ.
මේ අතර සියලූම ජාතික පාසල්වල පාසල් පැවැත්වෙන කාල සීමාව පෙරවරු 7.30 සිට පස්වරු 1.30 දක්වා බව අධ්‍යාපන අමාත්‍යාංශය නැවතත් නිවේදනය කළේය. සමාජ දේශගුණික වැනි විවිධ තත්ත්වයන් පිළිබඳ සලකා බැලීමෙන් පසුව මෙම තීරණය ගත් බව අධ්‍යාපන අමාත්‍යාංශය නිවේදනය කලේය.
