මාතර රාහුල විද්‍යාලයෙන් මූලික අධ්‍යාපනය ලැබූ ශිරාල් ලක්තිලක කොළඹ විශ්වවිද්‍යාලයේ නීති උපාධිය ලැබ නීතිඥයෙකු ලෙස වෘත්තීමය ජීවිතය ආරම්භ කළේය.
ගැටුම් අධ්‍යයනය පිළිබද ශ්‍රාස්ත්‍රපති උපාධිය ඇමරිකාවේ ෆලඩෙල්ෆියා හි ආකේඩියා විශ්වවිද්‍යාලයෙන් හා ටෙම්පල් විශ්වවිද්‍යාලයෙන් ලබා ගත් ඔහු ජාත්‍යන්තර නීතිය , ජාත්‍යන්තර දේශපාලනය, මානව හිමිකම් හා කළමනාකරණය කටයුතු පිළිබද ජාත්‍යන්තර ආයතනය හා විද්‍යාල රැසකින් වැඩිදුර අධ්‍යාපනය ලබාගත්තේය.
1994 වර්ෂයේ දී අධිකරණ හා ව්‍යවස්ථා කටයුතු පිළිබද අමාත්‍යාංශයේ උපාය මාර්ගික සහ පර්යේෂණ කමිටු සාමාජිකයකු ලෙස කටයුතු කළේය. නැවත 2000 වසරේ දී කර්මාන්ත හා විද්‍යා කටයුතු අමාත්‍යාංශයේ උපදේශකවරයෙකු වූ ඔහු 2002 වසරේ දී කර්මාන්ත හා විද්‍යා කටයුතු අමාත්‍යවරයාගේ පුද්ගලික ලේකම්වරයා වශයෙන් ද කටයුතු කළේය.
නීති වෘත්තීය කේෂ්ත්‍රයට තුළ එහු වැඩි අවධානය යොමු වූවේ සිවිල් නීතිය, පරිපාලන නීතිය හා මානව හිමිකම් පිළිබදවය.
mawbima
