මෙම ඔරලෝසු 68,000 සපුගස්‌කන්ද ප්‍රදේශයේ ගබඩාවක තිබී පොලිසිය මගින් පෙරේදා (18 වැනිදා) සොයාගෙන තිබිණි. තවත් එවැනි ඔරලෝසු 2,500 ක්‌ ඊයේ (19 වැනිදා) වීරකැටිය ඉඟුරුමුලන ප්‍රදේශයේ තිබී වීරකැටිය පොලිසිය මගින් අත්අඩංගුවට ගෙන ඇතැයි පොලිස්‌ මාධ්‍ය ප්‍රකාශක ජ්‍යෙෂ්ඨ පොලිස්‌ අධිකාරි අජිත් රෝහණ මහතා ඊයේ පොලිස්‌ මූලස්‌ථානයේ පැවති මාධ්‍ය හමුවකදී පැවසීය.
මෙම ඔරලෝසු තොගය මෙරටට ගෙන්වූ ව්‍යාපාරිකයාගෙන් පොලිසිය ප්‍රශ්න කිරීමේදී චීනයේ ලියටොනික්‌ නමැති ප්‍රදේශයෙන් ඇමරිකන් ඩොලර් එක්‌ලක්‍ෂ අනූනවදහසක මුදලකට මිලදී ගෙන මෙරටට ගෙන්වූ බව ඔහු පිළිගෙන ඇත.
ඔරලෝසු තොගය මෙරටට ගෙන්වීමේදී නියමාකාරයෙන් රේගුවට බදු ගෙවා ඇති ද යන්න සහ කාගේ අවශ්‍යතාවට ගෙන්වූවාද යන්න වැඩිදුරටත් විමර්ශනය කරගෙන යන බවද අජිත් රෝහණ මහතා පැවසීය.
මෙවැන් ඔරලෝසූ විශාල ප්‍රමාණයක් ජනාධිපතිවරණ සමයේදි රට පුරා බෙදා හැරීමට කටයුතු කර තිබුණි
