වෙනදා මෙන් අද පාර්ලිමේන්තු විවාද නොපැවැත්වෙන අතර පක්‍ෂ නායකයන් විසින් නව දේශපාලන තත්ත්වයන් හා සිය ස්‌ථාවරය පිළිබඳව කෙටි දෙසුම් පැවැත්වීමට නියමිතය.
අද නව පනත් හෝ සංශෝධන කිසිවක්‌ ඉදිරිපත් නොවන බවත් කතානායක, නියෝජ්‍ය කතානායක සහ නියෝජ්‍ය කාරක සභා සභාපති යන ධුර කිසිවක වෙනසක්‌ නොවන බවත් වාර්තා වේ.
නව රජයේ ආණ්‌ඩුපක්‍ෂ ප්‍රධාන සංවිධායක ලෙස ජනමාධ්‍ය ඇමැති ගයන්ත කරුණාතිලක, සභානායක ලෙස වැවිලි කර්මාන්ත ඇමැති ලක්‍ෂ්මන් කිරිඇල්ල මහත්වරු ද පත්ව සිටින අතර නව විපක්‍ෂ නායක සහ විපක්‍ෂයේ ප්‍රධාන සංවිධායක වශයෙන් පිළිවෙළින් නිමල් සිරිපාල ද සිල්වා, ජෝන් සෙනෙවිරත්න යන පාර්ලිමේන්තු මන්ත්‍රීවරු ද පත්ව සිටී.
