එජාප බස්නාහිර පළාත් සභා මන්ත්‍රීවරයෙකු දුන් තොරතුරක් මත සොයාගෙන තිබෙන මෙම මෝටර් රිය ප්‍රබල දේශපාලඥයෙකුගේ පුතෙකුගේ බවටද තොරතුරු වාර්තා වෙයි.
හමුදා සැපයුම්කරුවකු බව කියන පුද්ගලයකුට අයත් පිළියන්දල නිවසකින් මෙම සුඛෝපභෝගී ලැම්බෝගිනි රථය සොයා ගැනීමට පිළියන්දල පොලිසිය සමත් වී තිබේ.
පොලිසිය විසින් මෙම රථය පිළිබඳ පරික්ෂා කිරීමේදි ඉදිරිපත් කළ ලියකියවිලි ප්‍රශ්නකාරී බවත් නිවැරදි ලියකියවිලි ඉදිරිපත් කිරීමට අපොහොසත් වන්නේ නම් ලැබ්බෝගිනි රථය පොලිස් අත්අඩංගුවට ගන්නා බවත් පොලිසිය ප්‍රකාශ කරයි.
මෙම රිය ජනපතිවරණ ප්‍රතිඵල නිකුත්වීමත් සමඟ ආරක්ෂාව සඳහා එහි ගෙන ආ බව පෙනේ යැයි ද පොලිසිය සැක පහල කරයි. මෙම රථයක වටිනාකම අවම වශයෙන් රුපියල් ලක්ෂ 700 බව පැවසේ.
