මෙය 1996 සිට නාගරික සංවර්ධන අධිකාරිය යටතේ පවතින්නක් වන අතර එම අධිකාරිය විසින් කුඹුරු ඉඩමක් ගොඩකිරීමෙන් ඉඩම සකසා ඇත. අඳගොවි පවුලක් 1950 පමණ සිට එම කුඹුර අකණ්ඩව වගාකර ඇති අතර ඒ සඳහා ගොවිජන සේවා දෙපාර්තමේන්තුවට සහ නාගරික සංවර්ධ අධිකාරියට අක්කර බදු ගෙවා ඇත.

මෙසේ තිබියදී සුදත් සිල්වා මහතා එම ඉඩමට මැදිහත් වීම සම්බන්ධයෙන් ශ්‍රේෂ්ඨාධිකරණයේ අංක 250/2012 යටතේ නඩුවක් පවරා ඇති අතර එය මේ වනවිට විභාගවෙමින් පවතී. ජනාධිපතිවරණය පැවැත්වෙමින් තිබියදී දෙසැම්බර් මස 12වන දින ආසන්නයේ නැවත බැකෝ යන්ත්‍ර යොදාගනිමින් අධිකරණ නියෝගද නොතකා ඉඩම අත්පත්කරගැනීමට කිසියම් පිරිසක් උත්සාහ දරා ඇති බවද හෙළි වේ.

සුදත් ද සිල්වා මෛත්‍රීපාල සිරිසේන මහතාගේද ඡායාරූප ශිල්පියා ලෙස කටයුතු කරමින් සිටින බව  දැනගන්නට ලැබී ඇති අතර ජනාධිපතිවරනයට පෙර  දිනක සුදත්ද සිල්වා මහතා මෛත්‍රීපල සිරිසේන මහතාට සහය දක්වන බව වෙබ් අඩවියක් විසින් හෙළි කළ අවස්ථාවේදී ඔහු ඒ ප්‍රතික්ෂේප කරමින් තමන්ගේ සහය ලැබෙන්නේ මහින්ද රජපක්ෂට බව කීවේය.