විධායක ජනාධිපති ක්‍රමය වෙනුවට අගමැතිවරයා සහ ඇමැති මණ්‌ඩලය හරහා පාර්ලිමේන්තුවට බලය පැවරෙන ආණ්‌ඩුක්‍රම ව්‍යqහයක්‌ ස්‌ථාපිත කරන බවට ජනාධිපති මෛත්‍රීපාල සිරිසේන මහතාගේ දින සියයේ වැඩසටහන ක්‍රියාවට නංවමින් මෙම පනත් කෙටුම්පත් ඉදිරිපත් කෙරේ.
ස්‌වාධීන අධිකරණ කොමිසම, ස්‌වාධීන පොලිස් කොමිසම, ස්‌වාධීන රාජ්‍ය සේවා කොමිසම, ස්‌වාධීන මැතිවරණ කොමිසම, ස්‌වාධීන අල්ලස්‌ කොමිසම හා ස්‌වාධීන මානව හිමිකම් කොමිසම බලාත්මක
වූ දාහත්වැනි ව්‍යවස්‌ථා සංශෝධනය අක්‍රීය කරමින් සහ දෙවරකට වඩා වැඩි වාර ගණනක්‌ ජනාධිපතිවරයාට එම ධුරය සඳහා තරග කිරීමට අවස්‌ථාව ලබාදෙමින් මහින්ද රාජපක්‍ෂ හිටපු ජනාධිපතිවරයා විසින් ගෙන ආ දහඅටවැනි ව්‍යවස්‌ථා සංශෝධනය අහෝසි කිරීමට ද 21 වැනිදා පාර්ලිමේන්තුවට ව්‍යවස්‌ථා සංශෝධනයක්‌ ඉදිරිපත් කෙරේ. ඒ ආණ්‌ඩුක්‍රම ව්‍යවස්‌ථාවේ දහනව වැනි සංශෝධනය වනු ඇත.
ඒ අනුව පවතින ආණ්‌ඩුක්‍රම ව්‍යවස්‌ථාව සංශෝධනය කිරීමේ ක්‍රියාවලිය මෙම මස 21 වැනිදා ආරම්භ වන බව ආණ්‌ඩු පක්‍ෂයේ ඇමැතිවරයෙක්‌ ප්‍රකාශ කළේය. එමෙන්ම පාර්ලිමේන්තුවේ අධීක්‍ෂණ කාරක සභා සඳහා මන්ත්‍රීවරුන් හා සභාපතිවරුන් තෝරා පත්කර ගැනීම අනිද්දා (20 වැනිදා) පාර්ලිමේන්තුව රැස්‌ වූ අවස්‌ථාවේදී සිදු කෙරෙනු ඇත.
divaina
