ඒ සඳහා ලංකා සම සමාජ පක්‍ෂය, කොමියුනිස්ට් පක්‍ෂය, දේශ විමුක්ති ජනතා පක්‍ෂය, මහජන පක්‍ෂය ඇතුළු පක්‍ෂ කීපයක් එකඟතාව පළකර ඇති බවත්, දිනේෂ් ගුණවර්ධන මහතාගේ නායකත්වයෙන් යුතු මහජන එක්සත් පෙරමුණ එම ස්ථාවරයේම පිහිටා සිටින බවත් තමන්ට විශ්වාස යැයි ඒ මහතා පවසයි.
වත්මන් ආණ්ඩුවෙන් රටට හා ජනතාවට හානියක් සිදුවේ යැයි තමන්ට හැඟෙන බවද ඒ මහතා පවසයි. දෙමළ හා මුස්ලිම් ජනතාවගේ ඡන්ද නොලැබීම නිසා මහින්ද රාජපක්‍ෂ මහතා පරාජය වූ බවට ගෙන යන ප්‍රචාරය නිසා නැවැත ජාතිවාදය ඇවිස්සීමක් වන බවද එම ප්‍රකාශය මුළුමනින්ම අසත්‍යයක් බවද පවසන ඒ මහතා හිටපු ජනාධිපතිවරයාට සිංහල බෞද්ධ පළාත්වල ඡන්ද නොලැබීම ඔහුගේ පරාජයට හේතුවිණැයිද කීය.
මහින්ද රාජපක්‍ෂ මහතා පිළිබඳව තම පක්‍ෂවලට පූර්ණ විශ්වාසයක් ඇති බවත් ප්‍රජාතන්ත්‍රවාදී මැතිවරණයක් පැවැත්වීමට හැකියාව ලැබුණේ ඔහු යහපත් පාලනයක් ගෙන ගිය නිසා බවත් ශ්‍රී ල.නි.ප.ය වත්මන් ආණ්ඩුවට එකතු වීමට ගත් තීරණය පිළිබඳව තමන් කනගාටු වන බවත් ඒ මහතා පවසයි.
mawbima
