පසුගිය 14 වන දින මෙම අලි පැටවා ඔහු විසින් ගෙනවිත් ඇති අතර ඊට අදාල නීත්‍යානූකූල බලපත්‍රයක් නොමැති නමුත් ඊට පෙර ඔහු එම දෙණියාය නිවසේ තබාගෙන සිටියදී මිය ගිය අලිපැටවකු වෙනුවෙන් ලබාගත් බලපත්‍රය මෙම අලි පැටවා වෙනුවෙන් බාවිතා කරමින් තිබෙන බව එම ප්‍රදේශවාසීන් පවසයි.
තුසිත රණවක සතුව තවත් අලි පැටවුන් තිදෙනකු මේ වන විට සිටී. මෙම අලි පටවුන්ද නීතිවිරෝධීව කැළයෙන් අල්ලා ගෙන දේශපාලන බලහත්කාරය මත බලපත්‍ර ලබාගෙන ඇති අතර මේවන විට එම අලිපැටවුන් තිදෙනා අලුත් නුවර දේවාලයට ලබා දී ඇති බවත් වාර්තාවේ.
එමෙන්ම මේ පවුලේ සාමාජිකයන් විසින් බලහත්කාරයෙන් අල්ලා ගන්න ලද දෙණියාය, බෙවරලිය, නාතගල විහාරහේන පාර, එනසල් වත්තේ තේ කර්මාන්ත ශාලාව අසල ඇති නාතගල පාරේ සිංහරජ රක්ෂිතයට අයත් අක්කර 40 ක පමණ ඉඩමේ පිහිටි නිවස තුල පොළව යට පිහිට ඇති ගරාජයක සුපිරි මොටර් රඨ 3ක් සඟවා ඇති බවත් එම ප්‍රදේශවාසීන් පවසයි. මේ සම්බන්ධයෙන් වහාම සොයා බලන ලෙස වගකිව යුත්තන්ට දන්වන ලෙසත් ඔවුන් ලංකා ඩේලී වෙත ප්‍රකාශ කර සිටියහ.
