විපක්ෂය නියෝජනය කරන ඊපීඩීපී පක්ෂයේ මීට පෙර විපක්ෂ නායකකම ලබාගෙන තිබුණද මේවන විට ඊපීඩීපී නායක ඩග්ලස් දෙවානන්දගේ ඇමැතිධුරයද අහිමිව තිබිම නිසා ඔහු උතුරු පළාත තුල පවත්වාගෙන ආ බල අධිකාරිය බිඳ වැටී තිබේ. එමෙන්ම මෙහි විපක්ෂ නායක කම දැරූ ඊපීඩීපීයේ සිට කමල් නම් මන්ත්‍රීවරයා ඝාතන චෝදනාවක් මත බන්ධනාගාර ගතව සිටින අතර වත්මනෙහි තවරාජා විපක්ෂ නායක ලෙස කටයුතු කරයි.
කෙසේ නමුත් ඊපීඩීපි විපක්ෂනායක කම දැරුවේ ශ්‍රී ලනීපය නියෝජනය කළ මන්ත්‍රීවරු දෙදෙනාගේද සහය ඇතිවය. නමුත් නව තත්වයන් හමුවේ මෙම මන්ත්‍රීවරු දෙදෙනා සමස්ත ලංකා ජනතා කොන්ග්‍රසය සමඟ එකතුව වැඩ කිරීමට එකඟ වී තිබේ. ඒ අනුව හෙට දිනයේදී පළාත් සභා සභාපතිවරයාට ඊට අදාල දිවුරුම් පෙත්සම් බාර දී විපක්ෂ නායක ධුරය කොංග්‍රසයට ලබා ගන්නා බව එහි මන්ත්‍රී රිෆ්ඛාන් මහතා පවසයි
