නව විදේශ කටයුතු ඇමැති මංගල සමරවීර මහතාගේ දැඩි අවධානය මෙම දේශපාලන පත්වීම් කෙරෙහි ලක්‌වී තිබේ.
මෙලෙස දේශපාලන පත්වීම් ලැබූවන් කොටි ඩයස්‌පෝරාව ගැන හෝ විදේශ රටවල් සමඟ එක්‌ව ක්‍රියා කරන්නේ කෙසේද යයි නොදන්නා බව ද හෙළි වී ඇත.
'බොහෝ දෙනා මේ තානාපති ධුර ගත්තේ නිවාඩුවක්‌ ගතකිරීමටයි. විදේශ රටවල සිටින අපේ ශ්‍රී ලාංකිකයන් ගැනවත් තැකීමක්‌ කර නැහැ යෑයි ඉහළ පෙළේ ආරංචි මාර්ග පවසයි. 'හිටපු දේශපාලනඥයන්ගේ බිරියන්ද, සොහොයුරන්ද, දූ පුතුන් ද අපේ තානාපති කාර්යාලවලට පත්කර තිබුණා. ඔවුන්ගෙන් කිසිදු වැඩක්‌ වී නැහැ. ඡායාරූප ශිල්පියකුගේ පුතෙක් ද උසස්‌ තනතුරකට පත්කර තිබුණා' යැයි එකී ආරංචි මාර්ග කීවේය.
එමෙන්ම පසුගියදා විදෙශ අමාත්‍යංශයේ වැඩ තහනමකට ලක්ව සිටින් නිළධාරීන් සිව් දෙනෙකුව ඊයේ දිනයේදීම නැවත සේවයට කැඳවීමටද මංගල සමරවීර මහතා කටයුතු කළේය.
පැවැති රාජපක්ෂ පලනය විවෙචනය කිරීම ඔහුන්ට එල්ලා වී තිබු චෝදනාව වූ අතර එක් අයකුට එල්ල වූ චෝදනාව වූයේ මහින්ද රාජපක්ෂට එරෙහිව වස් කවී කීමය.
සමරවීර මහතා විදේශ අමාත්‍යාංශයේ වැඩ බාරගත්තේ ඊයේ උදැසනය.
