දේව මෙහෙයට පෙර පෙරවරු 7.45 ට පාප් වහන්සේ ගාලු මුවදොර පිටියට සැපත් වේ. ඉන්පසු විවෘත රථයක නැග ගාලු මුවදොර පිටිය වටා සැදැහැවතුන් අතරින් ගමන් කරන ප්‍රැන්සිස්‌ පාප් වහන්සේ අතට කොළඹ නගරාධිපතිවරයා විසින් අගනුවර යතුරු සංකේතාත්මකව පිරිනමයි. ඉන්පසු පෙරවරු 8.30 ට දේව මෙහෙය ආරම්භ වේ.
දේව මෙහෙයේදී වියානි ප්‍රනාන්දු රදගුරු හිමියන් විසින් භාග්‍යවන්ත ජුසේවාස්‌ මුනිඳුන් සාන්තුවරයට එසවීමේ පිළිවෙත සඳහා අවසරය ඉල්ලා සිටි පසුව ගෝව අගරදගුරු හිමියන් විසින් ජුසේවාස්‌ හිමිපාණන්ගේ කෙටි චරිතාපදානයක්‌ ඉදිරිපත් කරනු ලබයි.
දේව මෙහෙය පෙරවරු 10.45 ට පමණ අවසන් වූ පසුව පෙරවරු 11.50 ට උන්වහන්සේ ගුවන් හමුදා හෙළිකොප්ටරයකින් මඩු සිද්ධස්‌ථානය වෙත පිටත් වේ. මඩු දේවස්‌ථානයේදී ජන වන්දනා මෙහෙයක්‌ පවත්වන අතර ඊට පෙර පාප් වහන්සේ විවෘත රියක නැග සැදැහැවතුන් අතරින් ගමන් කරනු ලබයි. සවස 6.00 ට පාප් වහන්සේ යළි කොළඹට පැමිණේ.
