මේ වෙනුවෙන් සන්ධාන ජාතික ලැයිස්තු මන්ත්‍රීනී මාලනී ෆොන්සේකා ඉල්ලා අස්වීමට නියමිතය. රාජපක්ෂ මහතා පාර්ලිමේන්තු මන්ත්‍රීවරයකු ලෙස පත්වීමක් ලබා ගැනීමට උත්සහ කරනුයේ එම මන්ත්‍රී වරප්‍රසාද පාවිච්චි කර නිතිය හමුවේ සහනයක් ලබා ගැනීමට බවද දැන ගැනිමට ඇත.
පෙරේදා සිට මැදමුලන නිවසේ මේ සම්බන්ධයෙන් සාකච්ඡා කිහිපයක් පැවැත්වී ඇත. විමල් වීරවංශ, සුදර්මන් රදලියගොඩ ආදී රාජපක්ෂ වෙනුවෙන් කොදේසි රහිතව පෙනීසිටි දූෂිතයන් ගනනාවක්ම මෙම සාකච්ඡා සඳහා සහභාගී වී ඇත.
ලබන 19 වන දින විශාල පිරිසක් පාර්ලිමේන්තුව අසලට කැඳවා මහින්ද රාජපක්ෂ නැවත පාර්ලිමේන්තුයාම ගැන විශාල ජනතා ප්‍රසාදයක් ඇති බවට මාධ්‍ය සංදර්ශනයක් කිරීමටද මෙම පිරිස සූදානම් වේ. යුධ වීරයා ගැන ජනතාවගේ අනුකම්පාව දිනා ගෙන, රාජපක්ෂ විසින් සිදු කරනු ලැබූ බරපතල වංචා දූෂණ සම්බන්ධයෙන් වන පරීක්ෂණ මඟ හරවා ගැනීම මේ කටයුත්තේ අරමුණය.
කෙසේ නමුත් මේ වැඩපිලිවෙලට ගෝඨාභය රාජපක්ෂ හැර රාජපක්ෂ පවුලේ කැමැත්ත හිමිව නැත. බැසිල් රාජපක්ෂ සෘජුවම මීට විරෝධය දක්වා ඇති අතර ඔහු මේවන විට අමරිකාව බලා පිටත්ව ගොස් තිබේ.
