මීට ප‍්‍රතිචාර දක්වමින්, ඡන්ද දායකයින් හට කිසිඳු අවස්ථාවකදී ඡන්දය ප‍්‍රකාශ කිරිමට බලපෑම් සිදු නොවන බව විදේශ කටයුතු අමාත්‍යාංශය පවසා ඇත. එමෙන්ම ස්වාධීන මැතිවරණයක් පැවැත්්වීම වෙනුවෙන් මැතිවරණ කොමසාරිස්වරයා කැප වී සිටින බවද විදේශ කටයුතු අමාත්‍යාංශය යුරෝපා සංගමයට නිකුත් කළ නිවේදනයේ දැක්වේ.
නිදහස් හා සාධාරණ මැතිවරණයක් වෙනුවෙන් නිරතුරුවම කැප වී සිටින බවත් දිගු කලක සිට ප‍්‍රජාතන්ත‍්‍රවාදය පැවැති රටක් ලෙස ශ්රී ලංකාව හැඳින්වෙන බවත් විදේශ කටයුතු අමාත්‍යාංශය ප‍්‍රකාශ කලේය.
එළැඹෙන ජනාධිපතිවරණය වඩාත් සාමකාමී අයුරින් සහ විශ්වාසනියත්වයෙන් යුක්තව පවත්වනු ඇති බවට යුරෝපා සංගමය විසින් සිදු කළ ප‍්‍රකාශයට පිළිතුරු ලබා දෙමින් එම අමාත්‍යාංශය මේ බව සඳහන් කරන ලදී.
එළැඹෙන ජනපතිවරණය නිදහස්ව හා සාමකාමිව පවත්වන මෙන් එක්සත් ජාතීන්ගේ සංවිධානය ද පසුගියදා ඉල්ලීමක් කර තිබුණි.
