මෙම පත්‍රිකා රජයේ මුද්‍රණාලයේ මුද්‍රණය කරන ලද ඒවා බව සැක කෙරේ. මේ සම්බන්ධයෙන් රත්නපුර නියෝජ්‍ය මැතිවරණ කොමසාරිස්වරයා විධිමත් පරීක්ෂණයක් ආරම්භ කර ඇති බව ප්‍රකාශ කර ඇත. මෙම ඡන්ද පත්‍රිකාවේ SHE 000200-P.E 2015 Government Press PV යනුවෙන් ද සඳහන් කර තිබේ.
කෙසේ නමුත් පසුගියදා රාජ්‍ය මුද්‍රණාලයේ මුද්‍රන අංශයේ ප්‍රධානියාව ඉවත් කර රාජපක්ෂ පවුලේ හිතවතකු ඒ සඳහා පත් කල අතර , මුද්‍රනාල ආරක්ෂක අංශයද ඉවත් කර ඒ සඳහා තෝරා ගත් පොලිස් නිලධාරීන් පිරිසක් යොදවන ලදී
මැතිවරණ නිරීක්ෂණ සංවිධාන ඇතුළු සිවිල් සංවිධානද මේ පිළිබඳව දැඩි විමසිල්ලකින් සිටී. එම ඡන්ද පත්‍රිකාවේ මහින්ද රාජපක්ෂෙ මහතාට හිමි බුලත් කොළය ලකුණ ඉදිරියේ කතිරය සලකුණු කර ඇත.
පසුගියදා තමන් කෙසේ හෝ මෙම මැතිවරණය ජයග්‍රහණය කරන බව මහින්ද රාජපක්ෂ මහතා ප්‍රකාශ කළේය .
