මහින්ද රාජපක්ෂ ජනාධිපතිවරයා යටතේ කාන්තා අයිතිවාසිකම් වල ප්‍රගතියක් වෙනුවට සිදුවී ඇත්තේ ලැබිය යුතු අයිතිවාසිකම්ද අහිමිවීම බව ඔහු පෙන්වා දුන්නේය. 2013 වසරේදී පමණක් ස්ත්‍රී දූෂණ පැමිණිලි 2300 ක් පොළීසියට ලැබී ඇත.අතවරයන් අතරින් තුනෙන් එකක් පමණක් පොළීසියට වාර්තා වී ඇත. නමුත් මෙම පැමිණිලි වලින් වරදකරුවන් වී ඇත්තේ හත් දෙනෙක් පමණි. ඒ අනුව මහින්ද රාජපක්ෂ ජනාධිපතිවරයා ගෙදර බුදුන් අම්මා යැයි පැවසීම ජනතාව මුළාකිරීමක් බව වික්රමසිංහ මහතා පැවසුවේය.
ඔහු මේ බව පවසා සිටියේ ඊයේ(31) විහාරමහා දේවී එළිමහන් රංගපීඨයේදී පැවැති කාන්තා සම්මේලනයේදී අදහස් දක්වමිනි.
විපක්ෂ නායක රනිල් වික්රමසිංහ මහතාගේ මූලිකත්වයෙන් එක්සත් ලක්වනිතා පෙරමුණ සංවිධනය විසින් මෙය සංවිධනය කර තිබුණි.
