මේ අතර ජනාධිපති මහින්ද රාජපක්ෂ මහතා වයඹ පළාත් මහ ඇමැති දයාසිරි ජයසේකර මහතා ගෙන් ද විපක්‍ෂ නායක රනිල් වික්‍රමසිංහ මහතා, බදුල්ල දිස්‌ත්‍රික්‌ පාර්ලිමේන්තු මන්ත්රී (එජාප) හරීන් ප්රනාන්දු මහතා ගෙන් ද මෙම ගැටුම පිළිබඳව කරුණු විමසා ඇත.
මේ අතර, සිද්ධියට අදාළ දෙරණ වාද පිටිය වැඩසටහනේ විරාමය අතර සිදුවීම බොඳ නොකර සම්පූර්ණයෙන්ම විකාශණය කරන්නේ නම් තමන් එකඟ බව එජාප පාර්ලිමේන්තු මන්ත්රී හරීන් ප්රනාන්දු මහතා පවසයි.
ජනතාවට සත්‍යය දැනගැනීමට ආන්දෝලනයට තුඩුදුන් එම වාදපිටිය වැඩසටහනේ අදාළ සිදුවීම සම්පූර්ණයෙන් ප්රචාරය කරන්නේනම් තමන් වඩාත් කැමති බව දෙරණ රූපවාහිනිය අමතමින් ඒ මහතා පවසා තිබේ.
තමන් අතින්ද වැරදි සිදුවූ බවත් ඒ සම්බන්ධයෙන් තමන් අතිශය කනගාටුවට පත්වන බවත් එම වැඩසටහන අමතමින් ඒ මහතා සඳහන් කර ඇත.
කෙසේ නමුත් මේ සම්බන්ධයෙන් වයඹ පළාත් ප්‍රධාන අමාත්‍ය දයාසිරි ජයසේකර මහතා ප්‍රකාශ කර තිබුණේ තමන් එකී වීඩියෝ දර්ශන සම්පූර්ණයෙන්ම පෙන්වීමට එකඟ නොවන බවයි.
