ඒ මහතා මෙසේ සඳහන් කලේ දේශපාලන පක්‍ෂ නායකයන් සමඟ අද පැවති විශේෂ සාකච්චාවේදීය.
ඌව පළාතේ පවතින මන්ත‍්‍රී ධුර සංඛ්‍යාව වෙනස් විය හැකි බවත් ඒ සම්බන්ධ නිල නිවේදනය මැතිවරණය ප‍්‍රකාශයට පත් කිරීමේ නිවේදනයත් සමඟ නිකුත් කරන බවද ඒ මහතා කීය.
මෙවර මැතිවරණයේදී පූර්ව මැතිවරණයට අදාල නීතීන් දැඩි ක‍්‍රියාත්මක කරන බවත් පැවසූ ඒ මහතා තමා විසින්ද අපේක්‍ෂකයන්ගේ නම් සහ අංක ප‍්‍රචාරය කර දීමේ වැඩපිළිවෙලක් ආරම්භ කරන බවද සඳහන් කලේය. මේ යටතේ දැනට නිවෙස්වලට බෙදන අපේක්‍ෂක නාම ලේඛණය ප‍්‍රමාණිකව විශාලනය කර මුද්‍රණය කර රජයේ කාර්යාලවල සහ පොදු ස්ථානවල අලවන බවද ඔහු වැඩිදුරටත් පැවසුවේය.
මේ අතර, ඌව පළාත් සභාව අද මධ්‍යම රාත‍්‍රීයේ සිට විසුරුවා හැරීමට උපදෙස් ලැබී ඇතැයි එහි මහ ඇමති ශෂින්ද්‍ර රාජපක්‍ෂ මහතා පවසයි.
ඒ අනුව දෙසතියක් ඇතුලත නාම යෝජනා කැඳවා මැතිවරණය පවත්වන දිනය මැතිවරණ කොමසාරිස්වරයා විසින් ප‍්‍රකාශයට පත් කරනු ඇත.
ඌව පළාත් සභාවේ නිල කාලය අවසන් වීමට නියමිතව තිබුනේ සැප්තැම්බර් මස 02 වන දිනට ය.
පළාත් ආණ්ඩුකාර නන්ද මැතිව් මහතා සහ ප‍්‍රධාන අමාත්‍ය ශෂීන්ද්‍ර රාජපක්‍ෂ මහතා අතර විශේෂ සාකච්ඡාවක් අද පැවැත්වීමට නියමිතය.
