මෙම සිද්ධිය සම්බන්ධ සැකකරුවන් දෙදෙනාගෙන් එක් අයකු රෝහල් බලධාරීන් බියට පත් කරගෙන චණ්ඩියකු මෙන් සිටි පුද්ගලයකු බව පොලිස් පරීක්ෂණවලදී හෙළි වී තිබේ.
මෙම සිද්ධිය වී ඇත්තේ මීට දින කීපයකට උඩදීය. අතවරයට ලක් වූ කාන්තාව රාත්රි රාජකාරියේ යෙදී සිටියදී සැකකරුවන් දෙදෙනා ඇය බලහත්කාරයෙන් රෝහල් කාමරයකට රැගෙන ගොස් මරණීය තර්ජන එල්ල කර අතවරයට ලක් කර ඇති බව පරීක්ෂණවලින් හෙළි වී ඇත.
මෙම සිද්ධිය පිළිබඳව කාන්තාව දින කීපයක් යනතුරු කිසිවකුටත් පවසා නැත. සැකකරු ඇයට තර්ජනය කිරීම නිසා ඇය ඒ බව කිසිවකුටත් කියා නැත.
පසුව මෙම කාන්තාව තමන්ට වූ අතවරය පිළිබඳව රෝහලේ හෙදියකට පවසා ඇත.
ඒ අනුව මෙම සිද්ධිය පිළිබඳව රෝහල් බලධාරීන් ද දැනගෙන තිබේ. පසුව මේ පිළිබඳව එම කාන්තාව විසින් මරදාන පොලිසියට පැමිණිලි කර තිබේ.
ඒ අනුව පරීක්ෂණ පැවැත්වූ මරදාන පොලිසියේ වැඩබලන ස්ථානාධිපති ගාමිණී හේවාවිතාරණ මහතා අදාළ සේවකයන් දෙදෙනා අත්අඩංගුවට ගෙන ඇත.
සිද්ධියට මුහුණ පෑ කාන්තාව වෛද්ය පරීක්ෂණයකට ඉදිරිපත් කළ අතර, එහිදී අනාවරණය වූයේ ඇය අතවරයකට ලක්ව ඇති බවයි.
ඇස් රෝහලේ චණ්ඩියකු ලෙස සිටි සැකකරු සිය දොළොස් හැවිරිදි පුත්රයා ද සමඟ පදිංචිව සිටින්නේ ද රෝහලේම කාමරයක බව පරීක්ෂණවලදී හෙළි වී ඇත.
රෝහල් බලධාරීන් බියට පත් කර ගෙන මොහු කාලයක සිට රෝහලේ කාමරයක පදිංචිව සිටින බව ද පොලිසිය පවසයි.
කොළඹ ඇස් රෝහලේ සේවය කරමින් සිටි හැට දෙහැවිරිදි කාන්තාවක් රෝහලේ කාමරයකට ඇද ගෙන ගොස් ඇයට මරණ තර්ජන කර ලිංගික අතවර කළ බව කියන සිද්ධියක් සම්බන්ධයෙන් ඇස් රෝහලේම සුළු සේවකයෝ දෙදෙනෙක් මරදාන පොලිසිය මගින් ඊයේ (10 ) අත්අඩංගුවට ගනු ලැබූහ.
Leave a comment