ඔවුන්ද මාධ්‍ය හමුකට එක්වෙමින් මේ බව සඳහන් කළ අතර ඒ අනුව සීතාවක ප්‍රාදේශීය සභාවේ උප සභාපති ආනන්ද රූපසිංහ, මන්ත්‍රීවරුන් වන පූජ්‍ය දුම්කොළහේනේ රතනරංසි හිමි, චන්දන බාලසූරිය, යසිරු රාජපක්ෂ, ගයාන් දුමින්ද යන අය මෙලෙස මෛත්‍රීපාල සිරිසේන මහතාට සහයවීමට තීරණය කර තිබේ.
එමෙන්ම මෛතී‍්‍රපාල සිරිසේන මහතා සමග එක්වන බව මාධ්‍ය වෙත ප‍්‍රකාශ කිරීම සඳහා කොළඹ පොදු අපේක්ෂක කාර්යාලයේ පැවති මාධ්‍ය හමුවකට එක්වීමට පැමිණි දෙහිවල ගල්කිස්ස මහනගර සභාවේ සන්ධාන මන්තී‍්‍රවරයෙකු සිය තීරණය හදිසියේ වෙනස් කිරීම හේතුවෙන් උණුසුම් තත්වයක් ඇති විය.එම නාගරික මන්තී‍්‍ර සාවිත‍්‍ර රමාල් ද සිල්වා මහතා ජනාධිපතිවරයාටම සහාය පල කරන බව පොදු අපේක්ෂක කාර්යාලයේ මාධ්‍ය හමුවේදී ප‍්‍රකාශ කිරීමත් සමගයි මෙම තත්වය ඇති විය.
මේ සම්බන්ධයෙන් අප එජාප මන්ත්‍රීවරයකුගෙන් කළ විමසිමේදී ඔහු පැවැසුවේ ඔහු මෛත්‍රීපාල සිරිසේන මහතාට සහය දෙන බව පවසමින් පැමිණ හදිස්සියේම අදහස වෙනස් කර ගැනීම මානසික රෝගී තත්වය්ක් මිස වෙනකක් නොවන බවය.
