ආරියදාස මහතා තම සේවය නිමකර නිවස බලා යමින් සිටියදි ජනාධිපති අපේක්‍ෂක මහින්ද රාජපක්‍ෂ මහතාගේ මැතිවරණ පෝස්ටර් අලවමින් සිටි පිරිසක් විසින් මෙම පහරදීම සිදුකර ඇත. , මූත් අරුන්ගෙ එකෙක් තමයි. උඹව පොලිසියට ගෙනියන්න ඕනි.
අපි එෆ්.ටී.එෆ් එකේ යැයි කියමින් මැරයෙකු විසින් ආරියදාස මහතාගේ හිසට පිස්තෝලයක් තබා බියගන්වා අතින් පයින් හා පොලූ මුගුරු වලින් පහර දී ඇත. අසල්වැසියන්ගේ පැමිණීමත් සමග මැරයන් පැනගොස් ඇති අතර ඔහු මේ වනවිට දැඩි අසාධ්‍ය තත්වයෙන් දෙනියාය මූලික රෝහලේ ප‍්‍රතිකාර ලබමින් සිට මාතර මහ රෝහල වෙත මාරුකර යවා ඇත.
ඉහත සිදුවීමට අදාල පැමිණිල්ල දෙනියාය පොලිසිය හෝ දෙනියාය රෝහල් පොලිසිය විසින් බාරගෙන නොමැති බවත් ජනාධිපතිවරණයක් පැවැත්වීමට සූදානම්ව පවතින අවස්ථාවක ආණ්ඩුවේ මැරයින් විසින් තමන්ට එරෙහිව කටයුතු කරන පාර්ශවයන්ගේ සාමාජිකයෙකුට සිදුකළ මෙම ම්ලේච්ඡ ප‍්‍රහාරය තම සංගමය දැඩි පිළිකුලෙන් යුතුව හෙලා දකින බවත් ආරියදාස මහතාට පහරදී නිදැල්ලේ හැසිරෙන මැරයින් වහා අත්අඩංගුවට ගෙන නීති මගින් කටයුතු කරන ලෙස අදාල බලධාරීන්ට බලකර සිටින බවත් රාමලිංගම් චන්‍ද්‍රසේකර් මහතා මෙහිදී පැවසීය.
