මෙම රැළිය සදහා සල්ගාදු ක්‍රීඩාංගණය ලබා ගෙන තිබූ අතර එය අදාළ පළාත් පාලන ආයතනයේ කිසිදු අනු දැනුමකින් තොරව මාර්ග සංවර්ධන අධිකාරියේ සම්පත් යොදා ගනිමින් ගල් අතුරා සකස් කර තිබේ.
පළාත් පාලන ආයතන නියෝජිතයින් පවසන්නේ මෙම ක්‍රීඩාංගනය මහා පරිමාණ අලුත්වැඩියාවකින් තොරව නැවත ක්‍රීඩා තරග සදහා භාවිතයට ගැනීමට නොහැකි වන ලෙස විනාශයට පත්ව ඇති බවයි.
මෙම ක්‍රීඩාංගනය අගල් නවයකට වැඩි උසකට මාර්ග කාපට් කිරීමට යොදා ගන්නා ගල් හා වැලි මිශ්‍රණයක් ක්‍රීඩා පිටියේ අතුරා ඇති අතර උතුරු මැද පළාතේ ඇති නවීනතම සහා විශාලතම ක්‍රීඩා පිටි වලින් එකක් වන මෙය නැවත භාවිතයට ගැනීමට නම් ගල් තට්ටුව සම්පූර්ණයෙන් ඉවත් කොට පස් අතුරා නැවත තණකොළ සිටුවිය යුතුව තිබේ.
