හිටපු මහාධිකරණ විනිසුරු වරයා වැඩිදුරටත් පවසා ඇත්තේ පැමිණිලි භාරගත් දින 4ක කාලසීමාව තුළ අලුතින් පැමිණිලි 387ක් ලැබී තිබෙන බව යි.
ඔවුන්ගෙන් ලබාගත් තොරරුරු ලියාපදිංචි කොට පසුව ප්‍රකාශ ලබා ගැනීම සඳහා දින වකවානු නියම කරනු ලබන බව ඔහු පවසා සිටියේ ය.
පසුගිය සෙනසුරාදා සිට ඊයේ වනතුරු දින 44ක් පුරාවට ජනාධිපති කොමිසම විසින් මුලතිවු දිස්ත්‍රික්කය තුළ සිය කටයුතු සිදු කල අතර මේවන විට කොමිසම විසින් පුද්ගලයින් 129 දෙනකුගෙන් ප්‍රකාශ සටහන් කරෑන තිබේ. ඒ අලුතින් පැමිණිලි භාර දුන් 387 දෙනාට අමතරව ය.
පරීක්ෂ්ණයෙ ඊලඟ පියවර ලෙස ඉහත පැමිණිලි වලින් ලබාගත් තොරතුරු විශ්ලේෂණය කොට ඉන් අවධානයට ලක්වන පැමිණිලි සම්බන්ධව පරීක්ෂණ පැවැත්වීමට වැඩිදුර පියවර ගැනීම සඳහා නීතිපති දෙපාර්තමේන්ත්වට භාර කරන බව කොමිසන් සභාපතිවරයා තවදුරටත් පවසා සිටියේ ය.
අතුරුදන් වූ පුද්ගලයින් සම්බන්ධව පරීක්ෂණ පවත්වන ජනාධිපති කොමිසන් සභාව මේවනවිට 14000කට අධික පැමිණිලි සංඛ්‍යාවක් සටහන් කරගෙන ඇති අතර පරීක්ෂණය අවසන් වීමෙන් පසුව එහි වාර්තාව ජනාධිපති මහින්ද රාජපක්ෂ අතට පත් කිරීමට නියමිත ය.
