නව සමසමාජ පක්ෂයේ නායක ආචාර්ය වික්‍රමබාහු කරුණාරත්න මහතා විසින් ජනාධිපති මහින්ද රාජපක්ෂ මහතාට එරෙහිවද,නාත් සමරතුංග මහතා විසින් මෛත්‍රීපාල සිරිසේන මහතාටද එරෙහිවද විරෝධතා ගොනු කර තිබිණි.
එහෙත් 1981 අංක 15 දරණ ජනාධිපතිවරයා තෝරාපත් කර ගැනීමේ විධිවිධානවලට එම විරෝධතා අදාළ නොවන බවත්, එබැවින් එකී විරෝධතා තමා වෙත පවත්නා බලතල අනුව අවලංගු කරන බවත් මැතිවරණ කොමසාරිස් මහින්ද දේශප්‍රිය මහතා කියා සිටියේය.
එසේම මෙවර ජනාධිපතිවරණයට නාමයෝජනා ලබාදුන් 19 දෙනාගේම නාමයෝජනා පත්‍ර නිසි ලෙස සම්පූර්ණ කර ඇති බැවින් ඒ කිසිදු නාමයෝජනා පත්‍රයක් ප්‍රතික්ෂේප නොවන බවත්, ඒ අනුව එකී සියලුම දෙනා එළඹෙන ජනාධිපතිවරණයේදී අපේක්ෂකයන් ලෙස ඉදිරිපත්වීමට සුදුසුකම් ලබන බවත් මැතිවරණ කොමසාරිස්වරයා වැඩිදුරටත් සඳහන් කළේය.
