යනුවෙන් පොදු අපේක්ෂක මෛත්රීපාල සිරිසේන මහතා පැවැසිය.
එසේම ජනපතිවරයා තෙවැනිවර බලයට පත්වුවහොත් රටේ සියලුම දේශපාලන පක්ෂ නැති කිරීමට ජනපතිවරයා කටයුතු කරන බවත් හෙතෙම සඳහන් කළේය.
"මහින්ද රාජපක්ෂ මහත්තයා සූදානම් වන්නේ මේ රටේ සියළු දේශපාලන පක්ෂ විනාශ කරන්න. තුන්වැනි සැරේට බලයට පත් වුණොත් මේ රටේ සියළු දේශපාලන පක්ෂ සමතලා කරලා දාන්න මහින්ද රාජපක්ස මහත්තයා කටයුතු කරනවා. මම ඒ හැම දෙයක්ම දන්නවා. මම දන්නා දේවල් තවත් ඉදිරියේදී කියන්නම්." යනුවෙන් හෙතෙම සඳහන් කළේය.
සිය ප්‍රචාරක කටයුතු පොලොන්නරුවෙන් ආරම්භ කරමින් ඊයේ (30දා) පස්වරුවේදී හෙතෙම මෙම අදහස් ප්‍රකාශ කළේය.
ඉදිරි ජනාධිපතිවරණයේදී බැනර් , පෝස්ටර් සහ කටවුට් සඳහා යන වියදම් සියල්ල එකතු කර රටේ දුක් විඳින ජනතාව වෙනුවෙන් සේවය කිරීම සඳහා අරමුදලක් පිහිටුවන බව මෛත්රීපාල සිරිසේන මහතා පවසයි.
"මං පොදු අපේක්ෂකයා විදිහට තෝරා පත් කර ගත්තට පස්සේ හුඟක් අය ඇවිත් කිව්වා කතා කරලා කිව්වා කොඩි අදින්න, කටවුට් ගහන්න, පොලිතීන් ගන්න අපි සල්ලි දෙන්නම් කියලා. මගේ මැතිවරණ ව්‍යාපාරයේ, අපේ මැතිවරණ ව්‍යාපාරයේ කටවුට් නැහැ, පොලිතීන් නැහැ, කටවුට් ගහන්න පොලීතින් ගන්න මට දෙන හැම ශතයක්ම මේ රටේ වකුගඩු රෝගීන් වෙනුවෙන් ආධාර මුදලක් විදිහට මම අරමුදලක් ආරම්භ කරන බව කියන්න කැමැතියි. ඉදිරිපත් ජනාධිපතිවරණයට ඉදිරිපත් වන මගේ රුව කටවුට්වල නොව මේ රටේ ජනතාවගේ හදවත්වල තිබෙන බව මම පැහැදිළිවම දන්නවා."
රජය විසින් ක්ෂේත‍්‍ර නිලධාරීන්ට දැනට ලබාදෙන යතුරුපැදි තමන් බලයට පත් වූ වහාම නොමිලේ ලබාදෙන බවද මෛත්රීපාල සිරිසේන මහතා මෙහිදී කියා සිටියේය.
මෙම ජනහමුව සඳහා එක්සත් ජාතික පක්ෂ නායක රනිල් වික්රමසිංහ මහතා ඇතුළු එම පක්ෂයේ ජ්‍යෙෂ්ඨයන් රැසක් ද සහභාගි වී සිටියහ.
