එක්සත් ජනතා නිදහස් සන්ධාන මහ ලේකම් අමාත්‍ය සුසිල් ප්‍රේමජයන්ත, ශ්‍රී ලංකා කොමියුනිස්ට් පක්ෂයේ ලේකම් ජ්‍යෙෂ්ඨ අමාත්‍ය ඩිව් ගුණසේකර සහ ජාතික නිදහස් පෙරමුණේ මාධ්‍ය ලේකම් මොහොමඩ් මුසම්මිල් යන මහත්වරුන් මෙම මාධ්‍ය හමුවට සහභාගී වන බව මීට පෙර දන්වා තිබිණි.
මෙම මාධ්‍ය හමුව පෙරවරු 11.30ට ආරම්භවීමට තිබූ අතර ඒ වන විට ඩිව් ගුණසේකර සහ මොහොමඩ් මුසම්මිල් මහත්වරු පැමිණ සිටියේය.
සුසිල් ප්‍රේමජයන්ත මහතා දහවල් 12.30 වන විටත් මාධ්‍ය හමුවට නොපැමිණි අතර ඔහු බේරුවල ප්‍රදේශයේ කටයුත්තකට සහභාගී වී සිටින බැවින් මාධ්‍ය හමුවට නොපැමිණෙන බවත් අමාත්‍ය ඩලස් අලහප්පෙරුම මහතා ගෙන්වා ගැනීමට උත්සාහ කළත් ඔහු ද මාතර ගොස් සිටින බවත් පක්ෂ මාධ්‍ය සම්බන්ධීකාරකවරයා සඳහන් කර ඇත.
මේ හේතුවෙන් මාධ්‍ය හමුව අවලංගු කිරීමට තීරණය වූ අතර එහි ගිය මාධ්‍යවේදීන් ආපසු පැමිණීමට සිදුවිය.
