‘මේ මොන බොරු කතාවක් ද? මං ආණ්ඩුවට යන්නේ නෑ. මේක මේ හිතා මතා යවන බොරු ප්‍රචාරයක්. මං යනවා නම් යන්නේ එක්සත් ජාතික පක්ෂ ආණ්ඩුවකට තමයි.‘ ඔහු කියා සිටියේය.
ශ්‍රී ලංකා නිදහස් පක්ෂයේ හිටපු මහ ලේකම් මෛත්‍රීපාල සිරිසේන මන්ත්‍රීවරයා විපක්ෂයේ පොදු අපේක්ෂකයා ලෙසින් ඉදිරිපත් වන බව ප්‍රකාශයට පත් කිරීමෙන් අනතුරුව අත්තනායක මන්ත්‍රීවරයා සහ තවත් එජාප මන්ත්‍රීවරියක ආණ්ඩුවට එක්වීමට සැරසෙන බවට වාර්තා පළවෙමින් තිබිණ.
මේ සම්බන්ධයෙන් 'බිබිසි සංදේශය' කල විමසීමකදී අත්තානයක මහතා කියා සිටියේ, තමා එක්සත් ජාතික පක්ෂය හැර දමා ආණ්ඩුවට එක් වන බවට පළ වන වාර්තා සත්‍යයෙන් තොර බවයි.
කෙසේ නමුත් ඉතා ඉක්මනින්ම තමන් ඒ සම්බන්ධයෙන් විශේෂ ප්‍රකාශයක් කරන බව, අයවැය පිළිබඳ ඡන්ද විමසීමෙන් අනතුරුව පාර්ලිමේන්තුවෙන් පිටත්ව යන අතරවාරයේ අත්තනායක මන්ත්‍රීවරයා 'බීබීසී සංදේශය' කළ විමසීමකදී කියා සිටියේ ය.
සාමාන්‍යයෙන් මාධ්‍යවේදීන්ගේ ප්‍රශ්නවලට නොපැකිලව පිළිතුරු දෙමින් සුහදව කටයුතු කරන එජාප මහ ලේකම්වරයා මෙසේ ඔවුන්ගේ ප්‍රශ්නවලින් මඟහැර යාම අසාමාන්‍ය තත්වයක් බව මාධ්‍යවේදීහු පවසති.
කෙසේවුවද, ඊයේ (24) අයවැය පිළිබඳ ඡන්ද විමසීමේදී තිස්ස අත්තනායක මන්ත්‍රීවරයා එයට විරුද්ධව ඡන්දය දුන්නේය.
