දැනට භූමිතෙල් ලීටරයක් රුපියල් එකසිය හයකට අලෙවි කෙරෙන අතර එමගින් රුපියල් විස්සක අලාභයක් ඛනිජ තෙල් නීතිගත සංස්ථාවට දැරීමට සිදුව ඇත.
කෙසේ වෙතත් මෙම තීරණයට හේතු දැනගැනීම සඳහා ඛනිජ තෙල් නීතිගත සංස්ථාවේ උසස් නිලධාරියෙකු සම්බන්ධ කරගැනීමට උත්සාහ කළද එය අසාර්ථක වුණේ ඔවුන් විශේෂ සාකච්ඡාවකට එක්ව සිටීම හේතුවෙනි.
මේ අතර කොළඹ ඊයේ (07) පැවති මාධ්‍ය හමුවකදී ඛනිජ තෙල් සංස්ථාවේ වර්තමාන අර්බුදය පිළිබඳව අදහස් දක්වමින්, පාර්ලිමේන්තු මන්ත්රී ගයන්ත කරුණාතිලක මහතා කියා සිටියේ, පසුගියදා කොළඹ වරායේ සිට බොර තෙල් රැගෙන යන නළයක සහ මුතුරාජවෙල තෙල් ගබඩා පර්යන්තයට පිරිපහදු කළ ඉන්ධන රැගෙන යන නළයක පිපිරීම් දෙකක් සිදුව ඇති බවත්, මේ නිසා දැවි තෙල් හිඟයක් මතුව ඇති බවත් ය.
