මෙම රටවල් 20 අතර ශ‍්‍රී ලංකාවට හිමි වී ඇත්තේ 09 වැනි ස්ථානය වන අතර ඇෆ්ගනිස්ථානය, ඉරාකය, සෝමාලියාව, පාකිස්තානය, පලස්තීනය, එරිත‍්‍රියාව, නේපාලය, සුඩානය, ලෙබනනය, කොසෝවෝ, සිරියාව, දකුණු සුඩානය, ලිබියාව, කොංගෝව, ඉරානය, ජිබුටි, ඇන්ගෝලාව සහ උතුරු කොරියාව එම ලැයිස්තුවේ සෙසු රටවල් වෙයි.
මේ සම්බන්ධයෙන් අදහස් දැක්වූ ප‍්‍රවින දේශපාලන විචාරකයෙකු සහ හිටපු රාජතාන්ත‍්‍රිකයෙකු වන ආචාර්ය දයාන් ජයතිලක මහතා පැවසුයේ, වීසා බලපත‍්‍ර නොමැතිව පැමිණිය හැකි රටවල් අතර නරකම රටවල් 20 තුළට ශ‍්‍රී ලංකාවේ නම ඇතුලත් කිරීමට විදෙස් මාධ්‍ය ගනු ලැබු උත්සහයන් කිසිසේත් අනුමත කළ නොහැකි බවයි. එවැනි සාවද්‍ය වර්ගීකරණයක් ශ‍්‍රී ලංකාව සම්බන්ධයෙන් නිර්මාණය කිරීමට බටහිර මාධ්‍ය කටයුතු කරනු ලැබුවේ මෙරට තුලම ඇතිවු තත්ත්වයන් දඩමීමා කර ගෙන බව හෙතෙම පෙන්වා දුන්නේය.
