යාපනය ඩෙල්ෆ් ආසන්න මුහුදු ප්‍රදේශයේ දී මොවුන් අත්අඩංගුවට ගත් බව නාවික හමුදා මාධ්‍ය ප්‍රකාශක කමාන්ඩර් කෝසල වර්ණකුලසූරිය මහතා සඳහන් කළේය.
අත්අඩංගුවට ගත් ධීවරයින් පිරිස යාපනය කරෙයිනගර් ධීවර පරීක්ෂක කාර්යාලය වෙත බාරදී ඇත.
මෙම ධීවරයින් පිරිස තමිල්නාඩු, රාමේෂ්වරම් සහ ජගදපටිනම් ප්‍රදේශ වල පදිංචිකරුවන් බව සඳහන්ය.
මේ අතර මත්කුඩු ජාවාරමක් සම්බන්ධයෙන් සිදුකල නඩු විභාගයකදී මරණ දඩුවමට නියම වූ උතුරේ ධීවරයින් තුන් දෙනා ද නිදහස් කරන ලෙස බල කරමින් ඊයේ (23) යාපනය ගුරුනගර්හීදී විරෝධතාවක් පැවැත් වුණි. ඉන්දීය ධීවරයින් පස් දෙනාට පමණක් නිදහස ලබා දීමෙන් එම වරදටම මරණ දඩුවමට ලක්වූ මෙරට ධීවරයින් තිදෙනාට දැඩි අසාධාරණයක් සිදුව ඇති බව උතුරේ ධීවරයෝ පවසති. ගුරුනගර්හී පදිංචිකරුවන් වන අදාල ධීවරයින් තිදෙනා ද නිදහස් කරන තුරු උතුරේ ධීවර උද්ඝෝෂණ අඛණ්ඩව කි‍්‍රයාවට නගන බව උතුරු පළාත් ධීවර සමුපකාර සංගමය ප‍්‍රකාශ කළේය.
