ඡන්ද හිමි නාම ලේඛනය පරීක්ෂා කොට සිය නම නිසි පරිදි එහි සඳහන් වී තිබේදැයි නිරීක්ෂණය කරන ලෙසද ඔහු ඉල්ලීමක් කළා. සියළුම රාජ්‍ය නිලධාරීන්ට තැපැල් ඡන්ද භාවිතයට අවසර හිමි වන අතර ඊට අදාළ ඉල්ලූම්පත් භාර ගැනීමේ කටයුතු දෙසැම්බර් මස හතර වනදායින් නිමාවට පත් කෙරේ.
ජනාධිපතිවරණ ඡන්ද විමසීමට මෙවර බල පැවැත්වෙන්නේ 2014 ඡන්ද හිමි නාම ලේඛනයයි. එක්කෝටි පනස් ලක්ෂ හතළිස් හතර දහස් හාරසීය අනූ දෙනෙකු එළඹෙන ජනාධිපතිවරණයේදී ඡන්දය ප‍්‍රකාශ කිරීමට සුදුසුකම් ලබා සිටී.
ඡන්ද නාම ලේඛන ග‍්‍රාම සේවා කාර්යාලවල ප‍්‍රදර්ශනය කිරීමටද පියවර ගෙන තිබේ. එළඹෙන ජනාධිපතිවරණයට අදාළ නාම යෝජනා භාර ගැනීමේ කටයුතු දෙසැම්බර් මස අටවනදායින් නිමාට පත් කිරීමට සැළසුම් කර ඇත. ජනවාරි මස අටවනදා ඡන්ද විමසීම සිදු කිරීමට නියමිතව ඇත.
