කරුණු දැක්වූ එහි සභාපති පූජ්‍ය අතුරලියේ රතන හිමියන්,
'දැන් අපේ කාරණය තමයි, එතුමා ඉදිරිපත් කරන ප්‍රතිපත්තිය කුමක්ද. එම ප්‍රතිපත්තියත් සමග කොහොමද අනුගත වෙන්නේ, ඉදිරි සැලසුම් මොකක්ද කියලා එතුමා එක්ක සාකච්ඡා කරන්න ඕන. ඉන්පසු ඔහුට සහය දෙනවා.දැනට අපි පුද්ගලයෙක් හැටියට මෛත‍්‍රීපාල මැතිතුමාට සම්පුර්ණයෙන්ම සහය පළකරනවා. '
ජාතික හෙළ උරුමය මෛත‍්‍රීපාල සිරිසේන මහතාට සහය දීම සම්බන්ධයෙන් තවමත් අවසන් තීරණයකට එළඹී නොමැත.
එහි මාධ්‍ය ප‍්‍රකාශක නිශාන්ත ශ්රී වර්ණසිංහ මහතා පැවසුවේ තවම කිසිම අපේක්ෂකයෙකුට සහය දීමට තීරණය කර නොමැති අතර මොහොතින් මොහොත මේ දේශපාලන තත්වයන් වෙනස්වෙමින් වර්ධනය වෙමින් පවතිනනිසා මෙම තත්වයන් නිරීක්ෂණය කරමින් සිටින බවයි.
පූජ්‍ය අතුරලියේ රතන හිමියන් පැවසුවේ ඉදිරි ජනාධිපතිවරණයේදී සහය ලබාදෙන්නේ කාටදැයි තීරණය කිරීම සඳහා ජාතික හෙළ උරුමයේ ඉහළ පෙළේ නිලධාරීන් අද හෝ හෙට සාකච්ඡා කර වසන් එකඟතාවකට එළැඹෙනු ඇති බවය.
