අදාළ අස්ථි කොටස්වල කාල නිර්ණය කිරීම සම්බන්ධයෙන් වු වාර්තාව ඊයේ ද(18) මාතලේ මහේස්ත්‍රාත් අධිකරණය වෙත ඉදිරිපත් කෙරුණි.
එම වාර්තාව මගින් අදාළ අස්ථි කොටස් 1951 වසරට පෙර ඒවා බව ද නිගමනය කර තිබු බව වාර්තා වෙයි.
පසුගිය දා මාතලේ රෝහල් භූමියේ තිබි සොයා ගත් අස්ථි කොටස් පිළිබඳ පරික්ෂණ පැවැත්වීමට ඒවා අමෙරිකාවට යවා තිබුණි.
ඒ අනුව අදාළ අස්ථි කොටස් සම්බන්ධයෙන් අමෙරිකානු ආයතනයක් විසින් පරීක්ෂණ පැවැත්වීමෙන් අනතුරුව මෙම කාල නිර්ණය වාර්තාව ප්‍රකාශයට පත්කර තිබේ.
කෙසේ වෙතත් අමෙරිකානු ආයතනය විසින් ඉදිරිපත් කළ වාර්තාව පිළිගත නොහැකි බව අගතියට පත් පාර්ශවය අධිකරණය හමුවේ ප්‍රකාශ කළේය.
මේ හේතුවෙන් එම අස්ථි කොටස් කිනම් වර්ෂයකට අයත්ද යන්න සම්බන්ධයෙන් වු තීන්දුව ප්‍රකාශයට පත් කිරීම දෙසැම්බර් 05 වන දා දක්වා කල් දැමීමට මාතලේ මහේස්ත්‍රාත් සහ අතිරේක දිසා විනිසුරු සම්පත් ගමගේ මහතා තීරණය කර තිබේ.
