පසුගිය 12 වැනිදා බස්‌නාහිර පළාතේ එකොළහ ශ්‍රේණියේ සිසුන්ට වාර විභාගයට ලබා දුන් ගණිතය ප්‍රශ්න පත්‍රය ඊට පෙර පිටවී තිබූ බවට ලද පැමිණිලි පරීක්‍ෂා කිරීමෙන් පසු මේ වන විට ගොඩිගමුව පාසලේ විදුහල්පතිවරයා සහ ගුරු උපදේශිකාවක ස්‌ථානමාරු කිරීමට පියවර ගනු ලැබ ඇත.
විදුහල්පතිවරයා මිනුවන්ගොඩ කලාප අධ්‍යාපන කාර්යාලයට ද ගුරු උපදේශිකාව පළාත් අධ්‍යාපන කාර්යාලයටද මාරු කර තිබේ. මීට අමතරව තවත් ගුරු උපදේශකවරුන් දෙදෙනකුගෙන් ද පරීක්‍ෂණ නිලධාරීන් ප්‍රකාශ සටහන් කරගෙන ඇත.
සිද්ධිය සම්බන්ධ මූලික පරීක්‍ෂණවලට අනුව පිටවී ඇති ප්‍රශ්න පත්‍රය දිවුලපිටිය කොට්‌ඨාසයට අයත් ගොඩිගමුව මහා විදුහලට භාරදුන් ප්‍රශ්න පත්‍ර මිටියේ තිබූ එකක්‌ යෑයි හෙළිවී තිබේ. ඒ සම්බන්ධ පරීක්‍ෂණ අපරාධ පරීක්‍ෂණ දෙපාර්තමේන්තුවට භාරදී ඇත්තේ ප්‍රධාන ඇමැති ප්‍රසන්න රණතුංග මහතාගේ උපදෙස්‌ මතය.
(දිවයින)
