මෙම පිරිසකට හැදුණුම්පත් ලබා ගැනීම සදහා පහසුකම් සැපයීම ත්‍රිකුණාමලය දිස්ත්‍රික්කයේ සෑම ප්‍රා දේශීය ලේකම් කොට්ඨාශයක්ම ආවරණය වන පරිදි පැවැත්වෙන ජංගම සේවාවන් හි අරමුණයි.
ජංගම සේවා පැවැත්වෙන ස්ථාන මෙසේය.
නොවැ. 15 - ත්‍රිකුණාමල ප්‍රා දේශීය ලේකම් කාර්යාලය පෙ.ව. 8.30
නොවැ. 16 - තඹලගමුව ප්‍රා.ලේ. කාර්යාලය පෙ.ව. 9
නොවැ. 17 - මොරවැව ප්‍රා.ලේ.කාර්යාලය පෙ.ව. 9
නොවැ. 18 -ගෝමරංකඩවල ප්‍රා.ලේ.කාර්යාලය පෙ.ව. 9
නොවැ. 19 - සේරුවිල ප්‍රා. ලේ.කාර්යාලය පෙ.ව. 9.30
ඉදිරි ජාතික මැතිවරණයක දී ඡන්දය ප්‍රකාශ කිරීමට සුදුසුකම් ලබා ඇති සියඵ දෙනා වෙත හැදුණුම්පත් ලබාදීම සදහා දැනුවත් කිරීමේ සතියක් මැතිවරණ දෙපාර්තමේන්තුව, පුද්ගලයින් ලියාපදිංචි කිරීමේ දෙපාර්තමේන්තුව හා කැෆේ සංවිධානය මේ වන විට ක්‍රියාත්මක කරයි. මෙම වැඩසටහන යටතේ ලක්ෂ දෙකකට ආසන්න පිරිසකට ඉදිරි මාස දෙක ඇතුලත හැදුණුම්පත් ලබාදීමට පහසුකම් සැලසීමට රාජ්‍ය ආයතන සහ මැතිවරණ නිරීක්ෂණ සංවිධාන හා වෙනත් සිවිල් සංවිධාන කටයුතු කරයි. බදුල්ල දිස්ත්‍රික්කයේ මේ යටතේ දැනටමත් 6400 කට කැෆේ සංවිධානය යටතේ ජාතික හැදුණුම්පත්, උප්පැන්න සහතික හා වෙනත් ලේඛණ ලබාදීමට පහසුකම් සලසා ඇත.
ජංගම සායන සදහා පැමිණෙන පුද්ගලයින්ට ඡායාරූප, උප්පැන්න සහතික, මුද්දර ගාස්තු පවා නොමිලේ ලබා දෙන අතර සති දෙකක් ඇතුලත හැදුණුම්පත් නිකුත් කිරීමට කටයුතු කෙරේ.
ශ්‍රී ලංකා මානව හිමිකම් කේන්ද්‍රය මගින් සංවිධානය කරන මෙම වැඩසටහනට මුල්‍ය අනුග්‍රහය දක්වන්නේ යූඑස්ඒඩ්(USAID) ආයතනය යටතේ ක්‍රියාත්මක ස්පයිස් (SPICE)ව්‍යාපෘතියයි. මෙම වැඩසටහන යටතේ මඩකලපුව, අම්පාර, මොණරාගල, බදුල්ල, ත්‍රිකුණාමලය හා මාතර දිස්ත්‍රික්කයන් හි ජනතාව වෙත මේ වන විටත් හැදුණුම්පත් ලබා දීමේ පහසුකම් සලසා ඇතැයි එම සංවිධානයේ විධායක අධ්‍යක්ෂ කීර්ති තෙන්නකෝන් මහතා පවසයි.
