එහිදී වැඩිදුරටත් අදහස් දක්වමින් ඇමතිවරයා ප්‍රකාශ කර ඇත්තේ  රජයේ සේවයේ පමණක් නොව ව්‍යාපාරික ක්ෂේත්‍රයේ මෙන්ම දේශපාලන ක්ෂේත්‍රයේ ද මෙම තත්වය උදා වී ඇති බවයි. රාජකාරී කටයුතු පැහැර හරින, රාජකාරියට පරිබාහිර කටයුතු පමණක් සිදුකරන අය නිරන්තරයෙන් ඇගයීමට ලක්වන බවයි.

ආණ්ඩුවේ ඇතැම් කටයුතු මෙවනවිය මෛත්‍රීපාල සිරිසේන අමාත්‍ය වරයාගේ දැඩි විවේචනයට ලක්ව ඇත.


මෙතෙක් කලක් ඇමති ධූරයේ සිටිමින් කිසිවක් ප්‍රකාශ නොකර සිටී බොහෝ ඇමතිවරු මේ වනවිට තමන් මුහුණ දී සිටී ඇත්ත ප්‍රසිද්ධියේ ප්‍රකාශ කිරීමට පටන් ගෙන තිබේ. ජ්‍යෙෂ්ඨ අමාත්‍ය රත්නසිරි වික්‍රමනායක ඔහුගේ පුත් විදුර වික්‍රමනායක මන්ත්‍රීවරයා, මෛත්‍රීපාල සිරිසේන ඇමතිවරයා, රාජිත සේනාරත්න ඇමතිවරයා, පාඨලී චම්පික රණවක ඇමතිවරයා ඇතුළු බොහෝ පිරිසක් මේ අතර සිටිති.

මේ  අතර පසුගියදා පාර්ලිමේන්තුවේදී රාජිත ඇමතිවරයා ප්‍රකාශකර සිටියේ තමන් ඇමතිධූරය අතහැර දැමීමට ඕනෑම අවස්ථාවක සූදානම් බවයි.