උන් වහන්සේ වැඩිදුරටත් පවසා සිටියේ මේ රට දක්කා ගෙන ගියේ කැසිනෝ ආර්ථිකයකට බවත් පවතින ව්‍යාපාර පවුලේ ව්‍යාපාර මිස ජාතික ආර්ථිකයක් නොවන බවයි.
එසේම මේ රට දැන් චීන කොලනියක් බවට පත්ව ඇති බවත් කිසි ලෙස ජාතික ආර්ථිකයක් සදහා ක්‍රියාකාරීත්වයක් නොමැති ආණ්ඩුවක් බවත් එවැනි ආණ්ඩුව පවත්වාගෙන යා නොහැකි බවත් සදහන් කර සිටියේය.
එක්සත් ජාතික පක්ෂ නායක රනිල් වික්‍රමසිංහ, පූජ්‍ය මාදුළුවාවේ සෝභිත හිමියන් ඇතුළු නායකයන් පිරිසක්ද ජනතා විමුක්ති පෙරමුණේ නියෝජිතයන්ද රැළියට එක්වී සිටියහ.
ජනමතය නොසලකා ආණ්ඩුව 19 වන සංශෝධනය සම්මත නොකරන්නේ නම් විපක්ෂයේ පොදු අපේක්ෂකයෙකුට සහාය දීමට සිදු වනු ඇති බව අතුරලියේ රතන හිමියෝ, අවධාරණය කළහ.
ජනාධිපතිවරණය පවත්වන බවට නිවේදනය කළ විට ආණ්ඩු පක්ෂයේ සිට මන්ත්‍රීවරුන් විපක්ෂයට පැමිණෙන බවද රතන හිමියෝ පැවසූහ.
රැලිය අමතමින් විපක්ෂ නායක රනිල් වික්‍රමසිංහ පැවසුවේ විධායක ජනාධිපතිකම අහෝසි කොට පාර්ලිමේන්තුවට වගකියන ආණ්ඩුක්‍රමයක් බිහිකිරීම සදහා සියල්ලන්ම එක්විය යුතු බවය.
එක්සත් ජාතික පක්ෂ මන්ත්‍රී මංගල සමරවීර සහ පොදු අපේක්ෂකයෙකු ඉදිරිපත්කිරීමට විරෝධය පළ කරන බව පැවසෙන එක්සත් ජාතික පක්ෂ නියෝජ්‍ය නායක සජිත් ප්‍රේමදාසත් රැළියට එක්ව සිටියේය.
