ඔහු අද දහවල් පාර්ලිමේන්තුවේ පැවැත්වෙන එජාප පාර්ලිමේන්තු කණ්ඩායම් රැස්වීමටත්, අනතුරුව 'පිවිතුරු හෙටක්‌ උදෙසා ජාතික සභාව' විසින් කොළඹ ගංගාරාමය අසල පිහිටි මුත්තයියා පිටියේදී සංවිධානය කර ඇති ජනතා රැලියටත් සහභාගිවීමට නියමිතව ඇතැයි පැවසේ.
මංගල සමරවීර මහතා ආණ්ඩුවට එක්වීමට නියමිත බවට පසුගිය දිනවල මාධ්‍ය වාර්තා පලවී තිබිණ.
මේ අතර, ඊයේ දහවල් සිංගප්පුරුවේදී හිටපු යුධ හමුදාපතිවරයා හමුවී ඇති සමරවීර මහතා, 'පොදු අපේක්ෂකයකු' ඉදිරිපත් කිරීමට අදාළ 'පොදු වැඩපිළිවෙලට' අත්සන් කිරීම සඳහා සිකුරාදාට පෙර ලංකාවට එන්නැයි ආරාධනා කර ඇත.
මේ අතර, 'පිවිතුරු හෙටක්‌ උදෙසා ජාතික සභාවේ' සභාපති පාර්ලිමේන්තු මන්ත්‍රී අතුරලියේ රතන හිමියන් පවසන්නේ, ඉදිරි ජනාධිපතිවරණය සහ දේශපාලන කරුණු කිහිපයක්‌ සම්බන්ධව අදින් (12 ) පසුව විශේෂ තීන්දු කිහිපයක්‌ ගන්නා බවයි.
