එම ආයතනයේ පර්යේෂන නිලධාරී දුමින්ද පි‍්‍රයදර්ශන මහතා සඳහන් කළේ වෙළදපළේ එළවළු මිල ඉහළ යාම නිසා ජනතාව ඊට ආදේශකයක් ලෙස පරිප්පු තෝරාගෙන ඇති බවයි. වෙළදපළ තුළ මේ වන විට එළවළු මිල ඉතා සීග‍්‍ර ලෙස ඉහළ ගොස් ඇත.
කැරට්, බෝංචි, බීට්රූට්, වම්බටු සහ තාක්කාලි ආදී එළවළු කිලෝග‍්‍රෑමයක මිල පසුගිය සතියේ සටහන් වූයේ රුපියල් 100ත් 150ත් අතර මිලකය.
හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනයේ පර්යේෂන නිලධාරී දුමින්ද පි‍්‍රයදර්ශන මහතා වැඩිදුරටත් සඳහන් කළේ එළඹෙන සතිය වන විට එළවළු මිල පහත යා හැකි බවයි.
මේ අතර, එක්සත් ජාතික පක්ෂයේ ගමින් ගමනට වැඩසටහනේ රඹුක්කන මැතිවරණ කොට්ඨාශයේ ගම්මාන කිහිපයක ජන හමු කිහිපයකට එක්වෙමින් ඊයේ (06) විපක්ෂ නායකවරයා සඳහන් කළේ ජනතාවට දරා ගත නොහැකි ආකාරයෙන් එළවළු මිල සහ බඩු මිල ඉහළ ගොස් ඇති බවයි.
වර්තමාන ආණ්ඩුව ජනතාවගේ හිත සුව පිණිසවත් කටයුතු නොකරන බවද ඔහු සඳහන් කළේය.
