අනුරාධපුර නව බස්නැවතුම්පොලේ පළතුරු කඩයක් පවත්වාගෙන ගිය ඇගේ සැමියා පැහැරගනු ලබන්නේ 2013 සැප්තැම්බර් 02වන දාය. ඒ ඔහුගේ මිතුරන් දෙදෙනෙක් සමග ත්‍රීවිලරයකින් එමින් සිටින අතර තුර සුදු වෑන් රථයකින් පැමිණි පිරිසක් මධුෂ්ක අතුලු ඔහුගේ මිතුරන් දෙදෙනා පැහැර ගෙන අැත.
නමුත් පසුව මිතුරන් දෙදෙනා නිදහස් කළ මුත් මධුෂ්ක ගැන කිසිදු ආරංචියක් අද වනතුරුත් ලැබී නැත. මධුෂ්ක ගේ බිරිද මයුරි පවසන්නේ, පොලීසිය විසින් මේ පිළිදව කරන ලද පරීක්ෂණ පිළිබදව ඇයට කිසිදු විශ්වාසයක් නැති බවය. නමුත් මයුරිත් ඇගේ ඥාතීනුත් ඒක්ව අනුරාධපුර පොලීසිය අසලදීත්, අධිකරණය ඉදිරිපිටත් උද්ගෝෂණය කරමින් මධුෂ්කව සොයා දෙන ලෙස බලකරමින් සිටී.
පසුගිය නොවැම්බර් 4වනදාත් අනුරාධපුර අධිකරණය ඉදිරිපිටත්, පොලීසිය ඉදිරපිටත් සිය දරැවන් දෙදෙනාද තුරැලු කරන් ඇය මහපාරේ වාඩි වී ඉල්ලා සිටියේ ඇගේ සැමියා මධුෂ්කව හොයා දෙන ලෙසය. මයුරිගේ සැමියා, දරැවන් ගේ අාදරණීය පියා පිළිබද කිසිදු තොරතුරක් නොමැතිව ඔවුන් ගත කරන පීඩාකාරී,අසරණ ජීවිතය පිළබද සැවොම නිහඩය. ආශ්චර්යමත් රටේ, ආඩම්බරකාර තාත්තාගේ අදිකරණයත්, පොලීසියත් බකංනිලා ගෙන හිටියා මිසක් ඇයගෙන් කිසිදු දෙයක් විමසීමටවත් පැමිණියේ නැත. ඒ තරමටම ඒ පද්ධතියම කාලකන්නිවී අැත.
නමුත් මයුරිත්, මයුරිගේ සමීපතමයනුත්, කුඩා දරැවන් දෙදෙනාගේ තාත්තා හොයන එක කිසිදු විටකදී අත්නොහරින බව පවසයි.
