මේ ගැටලුව සම්බන්ධයෙන් එරට අගනුවර වන ඔයුඅගඩොගොයු හිදී පසුගිය බදාදා පැවති සාකච්ඡාවකින් පසුව ඔවුන් මෙම තීරණය ගෙන තිබේ. කෙසේ නමුත් ඒ දක්වා එරට ක්‍රියාත්මක වන අන්තර්වාර ර‍ජයේ නායකයා කවුරැන්ද යන්න මෙහිදී තීරණයකට නොපැමිණි බවත් විදෙස් මාධ්‍ය සදහන් කරයි. පුරා වසර 27 ක කාලයක් ධූරය දැරෑ ජනාධිපති බ්ලෙයිසේ කොම්පැඕරේ දැනට සතියකට පෙරදී ජනතා විරෝධතාවකින් එම ධූරයෙන් ඉවත් කිරීමෙන් අනතුරැව බුරිකිනාෆාසෝහි පාලන බලය හමුදාව යටතට පත්විය.
කෙසේ වෙතත් රට සිවිල් වෙතට පත්කරන ලෙසත් එසේ නොවුණහොත් සම්බාධක සඳහා මුහුණදීමට සැරසෙන ලෙසත් අප්‍රිකානු සංගමහ පසුගිය සදුදා ඔවුන්ට අනතුරැ අඟවා සිටියෙය. ඒ අනුව එම සංගමයේ දින වකවානුවට පෙර තමන් එරට පාලනය ජනතාව වෙත පවරන බවට මෙම හමුදා පාලනයේ නායකයා වන ලුතිනන් කර්නල් ඉසාක් සිඩා පෙරේදා සිය කැමැත්ත පළක‍‍ළේය.
යම්හෙයකින් මෙම සම්බාධක පැනවෙන්නේ නම් ඒ යටතේ බුරිකිනාෆාසෝ වෙත ලැබී ඇති එම සංගමයේ සාමාජිකත්වය අහෝසි වී යයි. එසේම එරට හමුදා නායකයන්ට එහි සාමාජික රටවල් වෙත පැමිණීම ද තහනම් කෙරේ. බදාදා පැවති මෙම සාකච්ඡා සඳහා දේශපාලන පක්ෂවලට අමතරව එරට විවිධ සිවිල් සමාජ සංවිධාන සහ ගෝත්‍රික ජනවර්ග නියෝජනය කරමින් නායකයන් කිහිපපොළක් ද එක්ව සිටි බව විදෙස් මාධ්‍ය පවසයි.
බුරිකිනාෆාසෝහි අසල්වැසි ඝානාව, නයිජීරියාව සහ සෙනගාලයේ ජනාධිපතිවරැන මේ සාකච්ඡාව සඳහා මැදිහත්කරැවන් ලෙස කටයුතු කර තිබේ. කෙසේ වෙතත් මේ හරහා බුරිකිනාෆාසෝහි පාලනයට උසස් සිවිල් චරිතයක් තෝරාගත යුතු වුවත් එය හිටපු ජනාධිපතිවරයා නියෝජනය කළ පක්ෂයෙන් සිද නොවිය යුතුයැයි ඊට සම්බන්ධ වූ විපක්ෂ දේශපාලන පක්ෂ පවසා තිබේ.
(අද)
