එම සංඥා සහ පැරණි මාර්ග සංඥා ඇතුළත් කළ නව ගැසට් නිවේදනය නුදුරේදීම ප‍්‍රකාශයට පත් කරන බව එම දෙපාර්තමේන්තුවේ කොමසාරිස් ජනරාල් එච්.එස් හරිස්චන්ද්‍ර මහතා පැවසිය.
එම ගැසට් නිවේදනයට අනුව ඉදිරියේදී භාවිතයට ගැනෙන මාර්ග සංඥා සලකුණු සංඛ්‍යාව 215 ඉක්මවනු ඇත.
අධිවේගී මාර්ගයේ භාවිතයට ගන්නා සංඥා සලකුණු සහ අන්තරායක රසායනික ද්‍රව්‍ය ප‍්‍රවාහනය කිරීමේදී භාවිතයට ගන්නා මාර්ග සංඥා සලකුණු ද අලූතින් නිකුත් වන ගැසට් නිවේදනය මගින් ප‍්‍රකාශයට පත් කිරීමට නියමිතය.
මෙතෙක් පැවති මාර්ග සංඥා සලකුණු බොහොමයක් කහපාටින් වර්ණ ගැන්වුණත් නව මාර්ග සංඥාවල විශේෂත්වය වන්නේ ඒවා සුදු පාටින් වර්ණ ගන්වා තිබීමයි. රාත‍්‍රී කාලයේදී කහපාටින් වර්ණ ගැන්වුණු මාර්ග සංඥා රියදුරන්ට පැහැදිලිව දිස් නොවීම ඊට හේතුව බව මෝටර් රථ ප‍්‍රවාහන කොමසාරිස් ජනරාල්වරයා සඳහන් කළේය.
නව මාර්ග සංඥා ඇතුළත් ගැසට් නිවේදනය ප‍්‍රකාශයට පත් කිරීමෙන් පසු ඒවා රියදුරු මාර්ගෝපදේශ ග‍්‍රන්ථවලට ඇතුළත් කරන බව ඔහු වැඩිදුරටත් සඳහන් කළේය.
